یۇخودا یۇخودان اوْیانماق + ایکی قیسا یۇخو

بۇ گئجه گؤزل یۇخولار گؤروردوم٬ آنجاق بیر آز قارما-قاریشیق خاطیرلاییرام...

خلوت بیر بینادا کلاس آیه‌سی وار ایدی (آللاه بۆتون اوْخوجولاری آزاد ائتسین٬ یۇخودا دا درس بیزی بۇراخماییر!)... خلوت بیر شهرده ایدیم٬ کۆچه-خیاواندا گزیردیم... بیردن یۇخو گؤردوگومو آنلادیم (پارلاق یۇخو). آیا ساری اۇچماغا باشلادیم. یئر دلیندی٬ من ده یئرین اوْرتاسیندان آیا ساری اۇچوردوم. آیین اطرافیندا دا نئچه اۇلدوز گؤرسنیردی...

یۇخودا یۇخودان اوْیاندیم! بیر ائوین حیطینده تاخت اۆستونده یاتمیش ایدیم٬ آیی یۇخونون ایچینده‌کی یۇخودا گؤردوگوم کیمی گؤردوم٬ یئنه گؤزلریمی یۇمدوم... نظریمه گلنی بۇ آرالاردا ماشین عائیله ده وار ایدیلار...

پارلاق یۇخو۱:

کال‌آودیوتی۱-ین کاپیتان پرایسی قۇرتاران آددیمی‌نین بیناسینا بنزر بیر بینادا قاچیردیم (نم کیمین الیندن/ نم هارایا؟!). پنجره آغزینا چاتاندا یۇخو گؤردوگومو آنلادیم٬ ائله اوْردان اۇچماغا باشلادیم...

پارلاق یۇخو۲:

خان‌ننه‌م گیلین کۆچه‌سینده٬ سئسه‌لی‌لرین ائوی قاباغیندا یئریردیم. خان‌ننه‌مین قوْنشوسو قاباقدان گلیردی. بیردن یۇخو گؤردوگومو آنلادیم٬ آنجاق شۆبهه‌لی کیمی ایدیم... فیشک کیمی اۇچماغا باشلاییردیم... آنجاق خان‌ننه‌مین قوْنشوسو بیر سؤزلر دئییردی منه٬ عاییب اوْلماسین دئیه فیکریم قاریشمیشدی بیر آز...

بؤلوم‌لر: دورو یوخو Duru Yuxu،

تاريخ : دوشنبه 13 اردیبهشت 1395 | 10:17 | یازار : یوخوچو | باخیش Baxış 0

.: Weblog Themes By BlackSkin :.

آرشيو