Neçə gün öncə zombi havası gördüm. Dövlətli bir oğlanın evindəydik.  Evin ətrafı alovlardaydı. Elə bil zombilər saldıracaq ıdılar. Evdən tələsik dərdə dəyən vəsayili yığıb qaçmaq istəyirdik. İki dənə tüfək tapdım, birisi qutusunda güllələriylə balaca bir tapançaydı. Bu sırada alovlar evi də tutdu sanki. Qaçmağa az vaxt qalırdı



بؤلوملر: زامبی یوخوسو،

چاغ : جمعه 8 مرداد 1395 | 11:34 | یازان : یوخوچو | باخیش Baxış 0
اۇزون بیر مۆدّت‌دن سوْنرا بۇ گئجه دۆزگون یۇخولار گؤردوم:

بیرینجی بؤلوم: «ایت‌لر»

باغلاردایدیق. آنام اوْ طرفین کندلیلری‌نین بئکارچیلیق‌لاریندان اؤترو خطرلری اوْلدوقلاریندان دانیشیردی. اوْ طرفده بیر باغ آلدیغیمیزی بیلدیک (آنجاق نم‌-نیه ائو کیمی بیر زاد ایدی)! حیطینده ایکن دیوارلاری‌نین اۆستونه شۆشه یاپیشدیراجاغیمیزین گرکلیگینی آناما سؤیله‌ییردیم ... اولده بیر ایت تاپیلدی٬ دا- اوْنون دیلینی بیلیردی؛ من ده بیر آز چکیلیردیم ایتدن. سوْنرا بیر سئری حیطه گیریب بیر سۆرو ایته راست گلدیم...

Qalanı...

بؤلوملر: زامبی یوخوسو،

چاغ : چهارشنبه 11 فروردین 1395 | 09:55 | یازان : یوخوچو | باخیش Baxış 4
بوُ یوُخونو نئچه گئجه بوُندان قاباق گؤردوم. نه ایشلردن چێخدێم! اینصافێسێ هیجانلێ یوُخو ایدی!

گؤردوم ایران-عراق ساواشێ دێر؛ من ایله‌ن نئچه نفرده بالاجا بیر تانکا مینیب، عراق جیبهه‌سینه سالدێرێرێق. عراقێن یئکه بیر تانکێنێن اطرافێندا سوره‌رک، اونا سارێ توپ آتێردێق؛ آنجاق اثری اولموردو...


Qalanı...

بؤلوملر: زامبی یوخوسو،

چاغ : یکشنبه 2 فروردین 1394 | 04:21 | یازان : یوخوچو | باخیش Baxış 0
آمان واکینگ دئددن! برک سریال دیر! اونا باخاندان ایندیه‌جه نم-نئچه سئری دوزگون زامبی یوُخوسو گؤرموشم...

Qalanı...

بؤلوملر: زامبی یوخوسو،

چاغ : یکشنبه 19 مرداد 1393 | 02:42 | یازان : یوخوچو | باخیش Baxış 0
بوُ یوُخونو بوُ گئجه گؤردوم.

دئمک ا
وْلار Walking dead, Call of duty و How I met your motherین قاتماسی ایدی... گیرافیکی ده اینصافی‌سی یوُخاری بیر زاد ایدی.



اؤنجه‌دن دئمه‌لی‌یَم کی بوُ یوُخو تیکه تیکه ایدی،یوخسا دا تیکه تیکه یادیم‌دا قالیب:

گؤردوم نئچه طبقه بیر ساختمان‌داییق، ساختمانین ائشیگین‌ده ده زامبی‌لر گَزیر! پرده دالیندان ائشیگه باخیردیم. زامبی‌لر گؤردو!
بئله‌جه ساختمانا ساری سۆزولدولَر!

او شَلَم ش
وْربالیق‌دا، خاریجه‌دن قوْناغیمیز گلمیش‌دی! چوْخ گۆلَش‌قاباق ایدی‌لر... ائله بیل هئچ زاد اوْلمویوب! بیله‌لرینه قاندیردیم کی وضع قوْلای‌دیر!

نئچه نفر بیر ا
وْتاق‌دا سنگر توُتموشدوق. اوْتاق پیلّه یوْلونون قیراغین‌دا ایدی. اوْتاغین ایچینده ده پیلّه وار ایدی. من اوْتاق‌داکی پیلّه‌لرده، پیچاق اَلیمده دوُرموشدوم. اۆسته‌کی طبقه‌لرده ده نئچه نفر آدام وار ایدی...

زامبی‌لر اوْتاغا گیردی...
هَره ا
وْتاغین بیر یانین‌دا زامبی‌لر ایله اَل‌به‌یاخا اوْلدو. من ده، منه ساری گلن زامبی‌لری مۆصیبت ایله اؤلدوروردوم. بیری‌سی‌نین باشی یاریم ایدی! بئینی گؤرسنیردی، ائله بیل برک ژله‌دن ایدی؛ اؤلدورمگی چوخ چتین‌لیک‌له باشا گلدی. بو حال‌دا اۆسته‌کی‌لردن نیگَران ایدیم...

یوُخونون قالانی ق
وْوالا قاچدی ایدی! شَهَر بیر بیرینه دَیمیش‌دی! باش آشاغی بیر کۆچه‌ده ایدیم. ایسته‌دیم بیر وَن ماشینی ویزام، گؤردوم واقِعی ماشین دئییل. خوُلاصه بیر ماشین تاپیب رنگ‌له‌دیم! گاز کلاجی چوْخ دۆزگون ایدی!

س
وْنرا گؤردوم جادّه‌ده‌یَم. بیر اوتوبوس دوْلو آدام وار ایدی. میندیم بئلینه...
سۆرعت ایله سۆروردوم!  آمما دنده وئرمگی بیر آز اذّیت ائلیردی... بیر مۆدّت سۆردوکدن سونرا، اوتوبوس ایشدن دۆشدو. من ده دۆشوب اکیلدیم... بئچارا موسافیرلَر!

س
وْنراسی گؤردوم پیلّه‌لی بیر ساختمان‌دایام. Ted ایله Barney ده وار ایدی‌لار. نئچه نفر ده قیز وار ایدی. تئد قیزلار ایله پیلّه‌لردن ائندی. تئدین اوْراسیندا کامان قوْوال چالیردیلار!

من ایله بارنی حیاط خلوت کیمی بیر یئردن باش چیخاتدیق. پنجره‌سیندن گیردیک. دالدان قیزلار باخیردی‌لار... توُوالئت وار ایدی! بارنی پنجره‌سیندن ایچَریه تَپیلدی. ایشی وار ایدی! تأسّوف‌له منیم ده ایشیم وار ایدی! ائله ا
وْردا اؤزومو راحات ائله‌دیم!

فیکریم آچیلاندان سونرا، گؤردوم یئرده دۆزگون بیر پیچاق وار. جان وئریردی زامبی قَشله‌مگه!

آمما دا سَحَر چاغی (البته ناهار چاغی!) یاخین‌لاشیردی.
یاواش یاواش ا
وْیان‌ماق واقتی گئچیردی...
Qalanı...

بؤلوملر: زامبی یوخوسو،

چاغ : جمعه 23 خرداد 1393 | 02:46 | یازان : یوخوچو | باخیش Baxış 0
بوُ یوُخو قدیمی و هَیَجان‌لی یوُخولاریمدان‌دیر.
بیر شَهَره نئجه ایش آچدیق! البته منیم گۆناهیم دئییل ایدی مایماق‌لارین بیری ایشی کوْرلادی...


من ایله نئچه نفر، قدیمی بیر مقبره‌یه گیرمیشدیک. مقبره داش‌دان ایدی و اوْنا گیرمَگه پیلّه چێخیردی.
تزه ایچَریه گیریب او تای بوُ تایا باخیردیق کی بیردن بیره بیر خانیمین اَلی وَردَنه کیمی بیر زادا دَیدیکده، وَردَنه سَس ایله دوْلانماغا باشلاییب، آلتین‌داکی تابوت آچیلدی!                                                                              

بو حال‌دا قێراق اوْتاقدان موُمیایی زاد چێخدی!

من هامی‌دان قاباق پیلّه‌لردن ائنیب ائشیگه چێخیدیم.
گؤردوم ائشیگین وضعی ایچَری‌دن ده قوْلای دێر...
موُمیایی‌لر چێخیب جماعتی قوْوالیرلار!
بیر مۆدّت قوْوالا قاچدی‌دان سوْنرا، خان‌ننه‌م گیلین ائوینه یئتیردیک.
اوْردا قاپیدان گیریب پنجره‌دن اکیلدیم! 
بیلمیرم نئجه اوْلدو کی اؤز ائویمیزدن باش چێخاتدیق.من ایله اۆچ نفر حَیَطیمیزده ایدیک. موُمیایی‌لر بیزه ساری حمله گتیردی‌لر! قاچماق یوْلو یوْخ ایدی. موُمیایی‌لر بیزه یئتیرینجه، بیردن اؤزوم‌دن چێخدیم؛ ائله بیل دوُربینی دالیا چَکمیش‌دی‌لر.

سوْنراسی اؤزومو بیر یوْلدا گؤردوم. من ایدیم، آنام ایدی، خان‌ننه‌م ایدی، بیرده خان‌ننه‌مین قوْنشوسو ایدی. یئره قار یاغمیش ایدی. یوْلدا گئدیردیک. گاهدان بیریمیز قار آلتیندا گیزلَنمیش بیر قوُیویا دۆشوردو. کوْمَک‌لیک ائدیب اوْنو چێخاردیردیق و یئنه گئدیردیک. من قوُیویا دۆشمه‌میش یوُخو قوُرتولدو...

Qalanı...

بؤلوملر: زامبی یوخوسو،

چاغ : جمعه 16 خرداد 1393 | 04:30 | یازان : یوخوچو | باخیش Baxış 1
واکینگ‌دئده (یئریَن اؤلویه!) باخمیش اوْلساز بوُ
یوُخودان یاخشی باش تاپاجاق‌سینیز! جریان بوُدور: نئجه بیر خێل آدام، زامبی گؤرمه‌میش قاچدی‌لار...
 
(اوُتانیرام دئیَم آمما هامی‌دان بَتَر قاچان اؤزوم ایدیم!
)


یئره قار یاغمیش ایدی. من ایله بیر خێل آدام چؤل‌ده ایدیک. اوّل‌لری چوْخ یادیم‌دا قالماییب، آنجاق ائله بیل اوُزاق‌دان بیر نئچه زامبی گؤردوم؛ گؤرمگیم ایله ایت کیمی قاچماغیم بیر اوْلدو!
ائله قاچیردیم نه‌دیر ها!
اؤزوموزوک دایانیب زامبی‌لری ق
ێرسایدیم اوْ جوُر یاپیشمازدی!

ائله قاچیردیم کی نفسیم گلمیردی! [دئمه واقعیّت‌ده بوُرنوم توُتولموش ایدی...]

خوُلاصه بیر مۆدّت قاچدیقدان سونرا آسفالت بیر یوْلا راست گلدیک. یوْلون ق
ێراغیندا بیر وانت دوْلو قارپوز ساخلامیش ایدی.
قارپیزلاری غنیمت آلماق ایسته‌یینجه وانت اکیلدی. قالدیق یانا یانا :(

چوْخ شۆکور یوُخو باشا گلدی. آللاه بیلیر زامبی‌لر بیزه چاتسایدی نه اوْلاجاق ایدی... نه یئمه‌لی‌میز وار ایدی، نه اۆره‌گیمیز، نه ده قاچماق وسیله‌میز!

Qalanı...

بؤلوملر: زامبی یوخوسو،

چاغ : پنجشنبه 15 خرداد 1393 | 11:50 | یازان : یوخوچو | باخیش Baxış 0

یاپراقلار سایی‌سی : :: 1