اوُشاق‌لارێن نئچه‌سی ایله‌ن جیبهه‌نین
قێراغێندان وێزێب، عراقێن بیر شهرینه یئتیردیک. یئمک دردیندن ایکی ائوین
قاپێسێنێ چالدێق، آنجاق یول وئرمه‌دیلر. دلی‌خانا کیمی بیر یئره راست
گلدیک. ایکیمجی طبقه‌ده میزلرین اۆستو دولو یئمک ایدی، نئچه نفر ده اگلشیب
یئمک‌ده ایدی‌لر. اوشاقلار دا یئمگی باشلاماق ایسته‌دیلر، آنجاق من
اورداکێلارێن خوُمار باخێشلارێنا(!) شک ائیله‌دیم... سانکی یئمک‌لره
داوا-زاد قاتێردێلار... اوُجا سس ایله‌ن اوشاقلارا سیلاحلارێنێ
حاضێرلاماغێ تاپێشێراراق، تۆفنگیم ایله‌ن اورانێن دؤکتورونو ووُرماق
ایسته‌دیم، آنجاق توفنگ آتمادێ! ماشاالله اوشاقلار دا سؤزومو سایمایێب،
سیلاحلارێنێ حاضێرلامامێشدێلار (اۆزلری آغ اولسون)! بئله‌جه دؤکتور منه سارێ حمله گتیردی؛ من ده ایت کیمی پیلله‌لردن یئنیب قاشدێم!
اوُجا آغاج‌لێ بیر اوُرمانا(جنگله) یئتیشدیم. یئره قار یاغمێش اێدێ. یول قێراغێندا بیر اوتور(ماشین) ساخلامێش اێدێ. بیر طیّاره یئندی. خلبان دۆشوب اوتورداکێنا یوُخارێ بیر سیلاح وئریب، طیّاره‌سی ایله‌ن اۇچدو. بیردن اورمانێن باشێندان سس-صدا قالخدێ! نئچه باش آدام(«واکینگ دئد»ده اوینایانلار)، داللارێجا بیر سۆرو زامبی اورمانا تؤکولدولر! ریک(آداملارێن باشچێسێ)، "دۇرون زامبی‌لری ووُراغێن" دئیه‌دیکده، میللت چؤنوب زامبی قێرماغێ باشلادێلار! من ایسه بوُ خئییر ایشه قارێشدێم... قێلێنج ایله‌ن زامبی‌لری ووُرماق چوخ کئف وئریردی!
زامبی‌لری قێراندان سونرا، ریک گیل ایله‌ن دلی‌خانایا قایێتدێق. اورانێ برکیتمگه باشلادێق. اۆست طبقه‌دن ائشیگه باخاندا، گؤردوم بیر قوُیودان نئچه نفر آدام چێخێر.(قاباقکێ زامبی یوُخولارێمێن بیرینده، قوُیولاردا گیزلَنَن آداملار گؤرموشدوم.) هردن ده یاغێش یاغێردێ، سانکی قورخمالێ بیر اویون باشێمێزا گلجک ایدی...
بؤلوملر: زامبی یوخوسو،
اوُجا آغاج‌لێ بیر اوُرمانا(جنگله) یئتیشدیم. یئره قار یاغمێش اێدێ. یول قێراغێندا بیر اوتور(ماشین) ساخلامێش اێدێ. بیر طیّاره یئندی. خلبان دۆشوب اوتورداکێنا یوُخارێ بیر سیلاح وئریب، طیّاره‌سی ایله‌ن اۇچدو. بیردن اورمانێن باشێندان سس-صدا قالخدێ! نئچه باش آدام(«واکینگ دئد»ده اوینایانلار)، داللارێجا بیر سۆرو زامبی اورمانا تؤکولدولر! ریک(آداملارێن باشچێسێ)، "دۇرون زامبی‌لری ووُراغێن" دئیه‌دیکده، میللت چؤنوب زامبی قێرماغێ باشلادێلار! من ایسه بوُ خئییر ایشه قارێشدێم... قێلێنج ایله‌ن زامبی‌لری ووُرماق چوخ کئف وئریردی!
زامبی‌لری قێراندان سونرا، ریک گیل ایله‌ن دلی‌خانایا قایێتدێق. اورانێ برکیتمگه باشلادێق. اۆست طبقه‌دن ائشیگه باخاندا، گؤردوم بیر قوُیودان نئچه نفر آدام چێخێر.(قاباقکێ زامبی یوُخولارێمێن بیرینده، قوُیولاردا گیزلَنَن آداملار گؤرموشدوم.) هردن ده یاغێش یاغێردێ، سانکی قورخمالێ بیر اویون باشێمێزا گلجک ایدی...
بؤلوملر: زامبی یوخوسو،