اۇزون بیر مۆدّتدن سوْنرا بۇ گئجه دۆزگون یۇخولار گؤردوم:
بیرینجی بؤلوم: «ایتلر»
باغلاردایدیق. آنام اوْ طرفین کندلیلرینین بئکارچیلیقلاریندان اؤترو خطرلری اوْلدوقلاریندان دانیشیردی. اوْ طرفده بیر باغ آلدیغیمیزی بیلدیک (آنجاق نم-نیه ائو کیمی بیر زاد ایدی)! حیطینده ایکن دیوارلارینین اۆستونه شۆشه یاپیشدیراجاغیمیزین گرکلیگینی آناما سؤیلهییردیم ... اولده بیر ایت تاپیلدی٬ دا- اوْنون دیلینی بیلیردی؛ من ده بیر آز چکیلیردیم ایتدن. سوْنرا بیر سئری حیطه گیریب بیر سۆرو ایته راست گلدیم....
حیط قاپیلی بیر دیوارلا ایکی یئره بؤلونوردو. آرخا بؤلومده بیر ایت٬ یئکه بؤلومده ایسه نئچه ایت وار ایدی. اوْرتالارینداکی قاپیدا دایاندیم. چالیشیردیم ایتلر منی گؤرمهیه. ایتلرین الیندن امنیتده قالماق اۆچون اوْرتاداکی دیوارا دیرماشدیم. ایتلر گؤروب دیوارا ساری آتیلیردیلار٬ من ده هردن اوْنلاری گئری چئویریردیم...
ایکینجی بؤلوم: «زامبیلیک»
قاباقجا گؤروب اۇنوتدوغوم بیر یۇخونون ایدامهسی کیمی نظریمه گلیردی بۇ یۇخونون اوّللری (بلکه ده یۇخودا ائله دۆشونوردوم). رنجر کیمی بیر آدام (اولده سانکی کامرا(دوربین) کیمی اوْنا باخیردیم٬ سوْنرا گیردیم نقشینه!) بیر بینادا ایکی زامبی اؤلوسویلهیدی. بۇنون دالیسیجا گلیردیلر. بۇ بشر زامبیلرین بیریسینین قارنینی اوْیوب٬ اوْ بیریسی زامبی بۇنو یئمیش کیمی بیر منظره یاراتماغا چالیشیردی [واکینق دِد٬ لوری اؤلن یئر]؛ اؤزونو ده یارالانیب اؤلموش کیمی گؤسترمک ایستهییردی (سانکی قاباقجا گؤردوگوم بیر یۇخودا بۇ ایش اوْلوب نتیجهیه وئرمیشدی؛ بۇ آدامین یوْلداشلاری گلیب بۇنو اؤلموش سانیب بینادان ائشیگه چیخمیشلار٬ بۇ آرالاردا اوْلان اوْلایلاردا دا بیریلری الدن گئتمیش). [بۇرالاردان من نقشه گیریرم] یوْلداشلار گلدیلر٬ بیریسی آتام٬ اوْ بیریسی آتامین آرخاداشی ایمیش. من اؤلو اداسینی چیخاتماقدایدیم. نقشه تۇتسایدی بۇنلار اوْ طرفه باخدیغیم بیر اوْتاقداکی زامبینی وۇروب گئدهجک ایدیلر؛ آنجاق آتامین یوْلداشی نفسیمه-زادا باخیب اؤلدوگومه شۆبههلندی ...
بینادا قاباغا گئدیردیک. زامبی زاددان علاوه غئیری دستهلرین آداملاری دا اوْلدوغونو حیسّ ائدیردیک. اوْنلارلا زامبیلری خبردار ائتمهمک اۆچون یاواشجاسینا یئریییردیک (نظریمه ایکی نفر گلیردیک بۇ پارچالاردا). اۇزون پیللهلر وار ایدی. غئیری بیر دستهنین آداملارینا راستلادیق [بۇرالار دا کال آو دیوتینین ایستالینقراد فاضلابلارینداکی مرحلهیه بیر آز بنزری وار ایدی]. بۇ دستهنین آداملاری آلچاق بوْی چوماقلی اۇشاقلار ایدی. منیم الیمده مدرک-کاغیذ وار ایدی؛ ائله بیل اهمیتلی ایدی٬ چۆنکو چوماقلیلارین ایکیسینی ازندن سوْنرا بۇ کاغیذلاری آشاغیدا بۇراخیب پیللهلر اۆستوندهکی آدامی اؤلدورمهیه گئتمک ایستهدیگیمده٬ یوْلداشیم کاغیذلاری گؤتورمگیمی ایستهدی. پیللهلردن اۆسته چیخدیم. آلچاق بیر دیوارین دالیندا ایکی نفر تانیدیغیمیز آداملاردان بۇ اۇشاقلارین بیریسینین الینده اسیر ایدیلر. ساغ الده ده ائله بیل ایکی نفر ضعیف آدام دۇروردو. اۇشاغی حلّه سالیب بۇ ایکی نفری آزاد ائتدیم...
/بۇ آرالاردا مدرک آپارماق جریانلارینی دا گؤرموش ایدیم٬ دانیشگاهدا سسیمیزی ییغیب بایگانی ائتدیرردیک گرک! ائدیب آشاغی یئندیکدن سوْنرا اۇشاقلارین بیریسینه راست گلدیم. اوْ دا همین ایشی گؤرمک ایستهییردی.../
بؤلوملر: زامبی یوخوسو،