فیزیک جۆزوه‌م یاریمچی‌لیق ایدی. جۆزوه‌نی اله کئچیرمک اۆچون مدرسه‌یه گئتدیم. فیزیک جۆزوه‌سی ایچری‌سینده اوْلان تیکینتی‌نین قاپی‌سی باغلی ایدی. باشقا بیر تیکینتی‌نین دامینا چیخدیم. اوْرایلا آماجیم اوْلان تیکینتی‌نین آراسیندا بیر داها تیکینتی وار ایدی. دام چوْخ اۇجا ایدی. اطرافداکی آغاجلار گؤزللیک یاراداراق دامین اۇجا اوْلدوغونو دا داها آیدین گؤرسدیردیلر. جۆزوه ایچری‌سینده اوْلان تیکینتی‌یه چاتدیم... ایضطیراری دام یوْلونو دا ایشلتدیم [سانکی بۇردا بیر سیرا جالیب اوْلای‌لار اوْلموشدور٬ ایکی نفر ده بیر ایشلر گؤرموشلر٬ آنجاق حؤرمتلی خاطیریما گلمه‌ییر!]... سوْنرا مدرسه‌نین ایشچی‌لری معمول اوْلان سؤز-نصیحتلری وئریردیلر...

داها سوْنرا گؤردوم م. ایله توْی‌داییق. سانکی دوْندارما زاد دا وار ایدی٬ اوْنلاردان یئمیش اوْلدوغوموز نظریمه گلیر... ائشیگه چیخماق ایسته‌دیق... ماشینی حیط‌ده ساخلامیشدیم... گئدیب مینه بیلمه‌دیک... ائله بیل ویزیلمیش ایدی...




بؤلوملر: درس-کیلاس یوخوسو،

چاغ : شنبه 18 مهر 1394 | 12:10 | یازان : یوخوچو | باخیش Baxış 2