سئودیگیم قێز اورادان گئچیردی. گلیب منیم یانێمدا اگلشدی. دولمادان چکیب یئمگه باشلادێ. من ایسه چوخ سئوینیردیم. بیر آز دا دانێشدێق. دولما آجێ ایدی. آغزێ یاندێ. بیله‌سینه آشپازخانادان آیران گتیردیم...


سونرا گؤردوم اوتوبوسدایێق. منیم صندلیم لاب قاباقدا، سول الده ایدی. یولداشێم منیم یانێمدا، سئوگیلیم ایسه دالدا اگلشمیش ایدی. یول صفالێ ایدی. قارلێ بیر یئره چاتدێق. جوانلار اوتوبوسا سارێ قار-گولـله‌سی آتێردێلار...


...گؤردوم کیلاسدایێق. من ایله‌ن یولداشێم قاباق جرگه‌ده، سول الده اگلشمیش ایدیک. سئوگیلیم ایسه دال جرگه‌میزده اورتادا اگلشمیش ایدی. دالا باخاراق، بیر نظافت مسؤولو باشێنێ اوینادا-اوینادا منه سلام سؤیله‌دی. من ایسه اونا سلام سؤیله‌دیم. اوستاد بۇنو گؤروب منه ایلیشدی. «سن منیم آدێمێ تووالئت‌ده یازێبسان» دئدی. من ده حیرصلندیم! «دالیا باخاراق او منه سلام سؤیله‌ییب من ایسه سلام قایتارێب» دئدیم. بیر آز دانێشماقدان سونرا آنلادێ... ایکی باشقا یئرده ده بیر قێسا ایشلر اولوندو: ایمتیحان جلسه‌سینده اوشاقلار ایله‌ن بیر سێرا دانێشێقلار گئتدی؛ حیطیمیزده اوشاقلارین نئچه‌سی ایله‌ن اگلشیب اونلارا درسلرین آدێن دئییب نه‌لیگینی سوروشوردوم...




بؤلوملر: عشقی یوخو،

چاغ : پنجشنبه 21 اسفند 1393 | 12:32 | یازان : یوخوچو | باخیش Baxış 0