Qəhvəxanaya bənzər bir yerdəyəm, adamla doludur. Qəhvəxana çöldə yerləşibdir. Bir kişi içəri girib mırtcasına xalqdan büzüşməmiş gül dilənir. Dibe çatıb döndüyündə bir kişinin gülünü götürür, bu səfər "gül alan var mı" deyə səsləməyə başlayır; gülürük biz. Daha sonra gül əlində eşiyə qaçır. Eşikdə bir dəstə oğrunu (paşaz oğrularını?) aparırlar. Yuxu olduğunu anlayıram, o dəstənin çöldən keçməsinə baxmaq üçün göyə qalxmaq istəyirəm. Sürətlə uçuram, özümü kərvana yaxın saxlamağa çalışıram. Dəstənin ətrafında uçuram. Aparanlardan birisi uca boylu bir kişidir. Yuxudakılar ilə danışmaq nəzərimdən keçir. Kərvanın dövrünə uçaraq yuxum gücsüzlənməyə başlayır

Arxadaşlarımın birisiylə paşazdayıq. Aşağı qatdaykən ona "men çıxım, paşazın qabağında səni gözlürəm" deyə söyləyirəm. Çıxarkən yuxu gördüyümü anlayıram. Xıyavan qırağındayam, dəbiristan kilasdaşlarımdan birisi gəlib məni qucaqlayır, sanki uşaqlardan ikisi daha oradadırlar. Kilasdaşım "sən kimsən" deyə sorğumu "mən sənin zehninəm" deyə yanıtlayır. Bunların hamısı mənim zehnimdir deyə düşünürəm

Mənimlə bir nəfər daha yatağın həyətindəyik. Qar yağıb, zombilər dağınaq şəkildə yeriyirlər. Yoldaşıma "gərək qıraqdan əyilərək geçək zombilər bizi görməsin" deyə söyləyirəm. Özüm əyilmədən qıraqdan qaçmağa başlayıram. Yaxınlıqlarından geçdiyim zombilər ardımca düşürlər. Əlimdəki bıçaqla neçəsini vururam. Həyətin ortasına çatanda yuxu gördüyümü anlayıram, uçmağa başlayıram. Zombilərə üstən baxıram, məni görmədən qabağa sarı qaçırlar

Gecədir, göydə yuxarıya uçurkən ulduzları çevrəmdə görürəm. Dayanmadan yuxu olduğunu təkrarlayıram, dodaqlarımın gerçəklikdə də tərpəndiyini hiss edirəm. Gündüz olan bir çöldə enirəm. qıraqda püştü-döşək var. İlk öncə orada oturub meditasyon qılmaq istəyirəm, sonra "elə fikirlərə baxmaq meditasyondur" deyə oradakı bulağa sarı gedib suyundan içirəm. Suyu istidir

Arxadaşımla mən maşındayıq. Şehrin qalabalıq yerlərindəyik. Nəm hansı səbəbdən maşını buraxıb yerdə davam edirik. Dörd yol ayrımında bir olay baş veribdir elə bil, xalq yığışıb baxır. Biz olaya baxarkən bir oğlan uşağı məni qucaqlayır. Əynimdə paltov vardır. Arxadaşım oğlana sərt təpki verərək onu uzaqladır. Ceblərimə baxıram bir zad vızılmadımı deyə. Aşağı enirik. Arxadaşım da gedir. Qaranlıq bir dalanın ağzına rast gəlirəm. Bir kişi gəlib əlindəki leyzerə bənzər bir şeylə çıraqları yandıraraq irəli gedir
 
Elə bil cadu biriylə zerzəmidəyəm. Yuxu gördüyümü anlayıram, unutmamaq üçün oxumaq kimi təkrarlayıram. Bir az düşündükdən sonra barmağımı duvara sıxıram, birazdan duvar xemir kimi olub barmağım içinə batır. Yerə də barmaq sıxıram, eyni olay baş verir. Cadunu qorxutmaq üçün əlimlə duvarın qırağını sıxıb əyirəm. Onu göndərməyi düşünürəm

Gedib kilasın ön cərgəsində oturdum. İki əlimdə qız oturmuşdu. Çönüb kilasa baxdığımda cəmi üç qız olduğunu gördüm. Uşaqların biri gələrkən "mən kitab gətirməmişəm kağızda yazaram sorğuları" dedi. Dini varımız ıdı. Öyrətmən də gəldi. Bu sırada yuxu gördüyümü anladım. Əllərimi bir-birinə sürtdüm. Durub bir işlər görmək nəzərimdən keçdi, ancaq oturub kilasdan kef aparmağı üstün gördüm. Təkrar dəbiristan kilasında oturmaq çox xoş gəlirdi